Almatyda páter tonaýshylar ustaldy
ALMATY. QazAqparat - Almatyda páter tonaýshylar ustaldy, dep habarlaıdy QazAqparat tilshisi.
Almaly aýdandyq ІІB krımınaldy polıtsııa basqarmasynyń qyzmetkerleri jedel izdestirý barysynda Almaly aýdanyndaǵy páterlerdiń birin tonap ketken qylmystyq topty áshkereledi.
«Kúdiktiler tańǵy 4 shamasynda páterge kirgen. Qyzdardy pyshaqpen qorqyta otyryp, uıaly telefondaryn tartyp alǵan. 21 jáne 25 jastaǵy jigitter birneshe saǵat ótpesten ustaldy. Olardyń biri buryn urlyq jasaǵay úshin isti bolǵan eken. Bul derekke baılanysty QR QK 191-babynyń 2-bólimimen qylmystyq is qozǵaldy. Qyzdarǵa uıaly telefondary qaıtaryldy», - dedi Almaly aýdandyq ІІB basshysy Danııar Meńdibaev.
Qazir bul adamdardyń basqa da qylmystarǵa qatystylyǵy tekserilip jatyr.
Polıtsııa tún ishinde bóten adamdarǵa esikti ashpaýǵa keńes beredi.
