Almatyda páter tonaýmen aınalysqan qylmystyq top ustaldy
Almatylyq polıtseıler páter urylaryn ustaý boıynsha arnaıy is-shara júrgizdi.
Páter tonaýshylar «Aqbulaq» yqshamaýdanyndaǵy úılerdiń birinde bolǵan urlyqtan keıin ustaldy.
«Bul toptyń quramyna Almaty men Túrkistan oblystarynyń 32 jastan 36 jas aralyǵyndaǵy tórt er adam kiredi. Olar kiltti tańdaý arqyly «Aqbulaq» yqshamaýdanynda ornalasqan úılerdiń birine kirip, sol jerden quny 500 myń teńgeden asatyn múlikti qoldy etti. Urlanǵan zattardy, taýardy jáne aqshany tergeý-jedel toby tárkiledi jáne QR QK-niń 188-baby 3-bóligi boıynsha sotqa deıingi tergeýdiń biryńǵaı reestrine tirkelgen qylmystyq is materıaldaryna tirkedi»,- dedi Almaty qalalyq Polıtsııa departamenti Krımınaldyq polıtsııa basqarmasynyń bastyǵy Qýatbek Naýatov.
Sonymen qatar, olardyń Almaly jáne Bostandyq aýdandarynyń aýmaǵynda osyǵan uqsas taǵy úsh urlyqqa qatysy bary anyqtaldy.
Kúdiktiler ýaqytsha ustaý ızolıatoryna qamaldy.