Almatyda páter tonaýmen aınalysqan 2 ury ustaldy
TANA. 5 qazan. QazAqparat /Marlan Jıembaı/ - Almatyda páter tonaýmen aınalysqan 2 ury qolǵa tústi. ІІM Memlekettik til jáne aqparat departamentiniń basshysy Nurdildá Orazdyń aıtýynsha,
«Almatynyń krımınaldyq polıtsııa qyzmetkerleri jedel izdestirý sharalary kezinde páter urlyǵymen aınalysyp júrgen eki adamnan turatyn topty qolǵa túsirgen.
Ustalǵandardyń ekeýi de buǵan deıin urlyq jasaǵandary úshin sottalǵan bolyp shyqty. Onyń biri - Almatynyń 44 jastaǵy turǵyny bolsa, ekinshisi iri kólemde urlyq jasaǵany úshin Sverdlov oblysynyń polıtsııasy ústimizdegi jyldyń qańtar aıynda izdeý jarııalaǵan Reseıdiń 40 jastaǵy azamaty. «Kúdiktilerdiń Almatyda jasalǵan 5 páter urlyǵyna qatysty ekeni dáleldendi. Keltirilgen zalal 1,5 mıllıon teńgeni qurap otyr. Kúdiktiler páterlerge kiltterdi irikteý arqyly kirip, baǵaly zattar men aqshalardy urlap otyrǵan. Ustalǵan adamdar ýaqytsha oqshaýlaý ornyna qamaldy. Tergeý amaldary júrgizilýde», - dedi N.Oraz.
