Almatyda páter tonap, kólik urlaýmen aınalysqan top quryqtaldy
ALMATY. Qazaqparat - Qylmystyq top páterlerdi tonaýmen qatar, kólikterdi de qoldy etip kelgen. Az ýaqyt ishinde olar 4 páterdi úptep, 4 kólikti aıdap ketken, dep habarlaıdy Qazaqparat tilshisi.
Qalalyq ІІD baspasóz qyzmeti habarlaǵandaı, kúdikti úsh jigit Almaty oblysy Jambyl aýdanynyń týmasy bolyp shyqty.
Olardyń ekeýi buryn osyndaı qylmys jasaǵany úshin isti bolǵan eken.
"Negizinen olar birinshi úıdi tonaǵan. Tonalǵan páterdiń ishinen avtokóliktiń kiltin de urlap ketip otyrǵan. Sosyn páter qojaıyndaryn ańdyp júrip, urymtal sátte kólikterin de minip ketip júrgen. Sonymen qatar, olar baǵaly zattar men tsıfrlyq tehnıkalardy da qoldy etken», - dedi qalalyq ІІD baspasóz qyzmetinen.
Qazir kúdiktiler qamaýǵa alyndy. Polıtsııa olardyń basqa da qylmystarǵa qatystylyǵyn tekserip jatyr.
