Almatyda páter tonaǵan urynyń basqa qylmystarǵa qatysy barlyǵy belgili boldy
ALMATY. QazAqparat - Almatyda tańǵy 5-te páter tonap ustalǵan urynyń basqa da qylmystarǵa qatysy bar bolyp shyqty. Bul týraly QazAqparat tilshisine qalalyq Polıtsııa departamentinen habarlady.
Munyń aldynda 40 jastaǵy er adam tańǵy saǵat 5-ter shamasynda M.Maqataev kóshesindegi turǵyn úıdegi páterdiń birine urlyqqa túskenin habarlaǵan bolatynbyz.
Balalar bólmesine betperde kıgen er adam kirip kelip, áıeldiń sómkesin ala sap qasha jónelgen. Qashqan boıy as úıdiń terezesinen kireberistiń shatyryna sekirip túsken. Sosyn shatyrdan asyqpaı túsip, betperdesin sheship ary qaraı alystap ketken.
Atalǵan derekke baılanysty QR QK 191-babynyń 2-bólimimen qylmystyq is qozǵaldy. Ustalǵan adamnyń kim ekendigi de anyqtaldy.
Sotqa deıingi tergeý barysynda kúdiktiniń buǵan deıin de birneshe ret qylmys jasaǵany anyqtaldy.
«Ury úılerge tonaýǵa túskende tek as úı terezesinen kirip júrgen. Kire salysymen pyshaqpen qarýlanatyn bolǵan. Osydan bir jyl buryn ol 5-qabatta turatyn áıeldiń úıine kirip, pyshaqpen qorqytyp áıeldi zorlap ketken. Ustalar aldynda birneshe kún buryn ol 3-qabattaǵy páterge tereze arqyly kirgen. Sol sátte qojaıyn úıinde bolǵan. Qojaıyn men ury arasynda tóbeles bastalady. Qylmysker úı ıesiniń qolyn jaraqattap, úıden birneshe altyn men qymbat buıymdardy alyp ketken», - dedi Polıtsııanyń baspasóz qyzmetinen.
