Almatyda páter satyp alýǵa kelgen adam úı ıesin tonap ketti
ALMATY. QazAqparat - Almaty qalasynda «páter satyp alamyn» dep jarnama boıynsha kelgen belgisiz er adam úıdiń ıesin tonap ketti, dep habarlaıdy QazAqparat týraly qalalyq ІІD baspasóz qyzmeti málimdeme jasady.
Almaty qalasynyń Áýezov aýdanyna qarasty ishki ister basqarmasyna qala turǵyny belgisiz bireýdiń 3 myń AQSh dollary jáne 300 myń teńge turatyn kóleminde aqsha, altyn buıymdar men noýtbýkti urlaǵany jóninde shaǵymdanǵan. Oqıǵa Aqsaı-4 yqsham aýdanyndaǵy úılerdiń birinde bolǵan.
Áýezov aýdany ІІB aıtýynsha, álgi azamat úı ıesin pyshaqpen qorqytyp, tonap ketken. Úı ıesi N., esimdi kelinshek úıin satpaq bolyp, habarlandyrý bergen. Ol úıdi satyp alýǵa qyzyǵýshylyq bildirip kelgen 25-30 jas shamasyndaǵy, iri deneli er adamǵa ishke kirgizedi. Alaıda kelýshi áıelge pyshaq shyǵaryp qorqytyp, úıdegi aqsha men buıymdardy tartyp alyp ketedi.
«Jedel izdestirý nátıjesinde 1994 jylǵy Almaty oblysynyń turǵyny qamaýǵa alyndy. Materıaldyq múlikter zańdy ıesine qaıtaryldy. Kúdiktini QR QK-niń 192-baby boıynsha sotqa deıingi tergeý bastaldy», - dedi Áýezov aýdandyq ІІB bastyǵy Esen Ysqaqov.
Almatynyń jergilikti polıtsııa qyzmeti turǵyndarǵa úılerine bógde adamdy kirgizbeý jóninde keńes beredi.
«Úıine týystaryn shaqyryp alsyn, tipti bolmasa kórshisiniń qasynda bola turýyn surasyn. Qylmyskerdiń qurbany bolýdan abaı bolyńyzdar», - dedi Esen Ysqaqov.
Araılym Joldasbaı
Foto:assets.media.az/
