Almatyda páter satyp alý týraly jalǵan kelisimshart jasaǵan alaıaq ustaldy

ALMATY. QazAqparat- Almatyda páter satý týraly jalǵan kelisimsharttar jasaǵan aqmolalyq alaıaq ustaldy, dep habarlaıdy QazAqparat tilshisi.
None
None

Polıtsııa qyzmetkerleri jedel-izdestirý sharasy aıasynda páter satyp júrgen kúdiktini anyqtady. Ol Aqmola oblysynyń týmasy bolyp shyqty.
«I. esimdi 35 jastaǵy azamat páter satý týraly habarlandyrýlardy ornalastyrdy. Satyp alýshylar paıda bolǵan kezde ol jalǵan satý-satyp alý kelisimshartyn jasaǵan. Ol aqshany alyp, satyp alýshymen baılanysyn úzip, belgisiz baǵytta jasyrynǵan. Kúdikti sońǵy mámileni 11 mıllıon teńgege jýyq somaǵa jasaǵan», – dedi Almaly aýdandyq polıtsııa basqarmasynyń bastyǵy Esen Ysqaqov.
Polıtsııa ókiliniń aıtýynsha, qazirdiń ózinde birneshe jábirlenýshi anyqtaldy. Bul fakt QR QK-niń 190-baby 3-bóligi boıynsha sotqa deıingi tergeýdiń biryńǵaı tizilimine tirkeldi.
«Ustalǵan adam ýaqytsha ustaý ızolıatoryna qamaldy. Bul adamnyń áreketterinen zardap shekken azamattardan Almaly aýdandyq polıtsııa basqarmasyna myna telefon nómirleri arqyly habarlasýdy suraımyz: 8-708-707-9202; 8-705-555-7763; 8-775-719-2727», - dep atap ótti ol.


Сейчас читают