Almatyda páter qojaıynyn óltirgen áıel ózine qol salmaq bolǵan
ALMATY. QazAqparat - Almatyda páter qojaıynyn óltirgen 30 jastaǵy áıel jantúrshigerlik qylmystyń izin joıý úshin, ózine qol salǵysy kelgen, dep habarlaıdy QazAqparat tilshisi. Bul týraly qalalyq ІІD resmı ókili Saltanat Ázirbek aıtty.
Qaıǵyly jaǵdaı bolǵan №11 shaǵyn aýdannyń turǵyndary oqıǵa týraly aıtyp berdi.
Kórshileriniń aıtýynsha, 4 bólmeli páterdi 6 qyz jaldap turǵan.
Olardyń biri, basty kúdikti Ońtústik Qazaqstan oblysynan kelgen áıel páter ıesimen sózge kelip qalǵan.
«Bul áıel azyq-túlik dúkeninde satýshy bolyp jumys jasaǵan. Olar bári syrttan kelgender. Urys-tóbeles bolmaıtyn, araq ishpeıtin. Adamdy óltirgen soń qan-qan kıimderdi kirjýǵyshqa salyp jýyp tastamaq bolmaǵan. Osy sátte úıge páter ıesiniń uly kóterilgen. Áıel ony da óltirmek bolǵan. Biraq, jigit qashyp shyǵyp, syrttan kómek surap úlgergen. Polıtsııa shaqyrǵan. Kúdikti áıel asúıdegi shúberekke asylyp ólgisi kelgen», - dedi qaza bolǵan áıeldiń kórshileri.
Qalalyq ІІD habarlaǵandaı, páter ıesin bir áıel óltirgen. Kúdikti birden ustaldy. Polıtsııa kúdiktiniń ózine qol salǵysy kelgenin rastady.
«Ol ózine qol salmaq boldy. Biraq, polıtsııa aldyn alyp úlgerdi. Qazirgi tańda kúdikti qamaýda otyr. Atalǵan derekke baılanysty birqatar sot-medıtsınalyq saraptama taǵaıyndaldy», - dedi qalalyq ІІD.
Eske sala keteıik, tanymal akter Rahman Omarovtyń birinshi áıelin páter jaldaǵandar óltirgeni týraly keshe habarlaǵan bolatynbyz.
