Almatyda parkter men skverler demalysta ashyq bolady
ALMATY. QazAqparat – Almatyda demalys kúnderi qandaı nysandar ashyq bolatyny belgili boldy, dep habarlaıdy QazAqparat tilshisi.
«Ótken aptada bizde parkter, skverler jabyq bolatyn. Osy aptada park, skver, Medeý, Shymbulaq, Arbattaǵy Panfılov kóshesindegi jaıaý júrgin alańdar ashyq bolady. Adamdar taza aýada serýendegeni durys», - dedi onlaın brıfıng barysynda Almaty ákiminiń orynbasary Saparbek Tuıaqbaev.
Aıta ketý kerek, ákimdik búgin vırýs taralý qaýpi joǵary sanalatyn nysandardy demalys kúnderi jabý týraly sheshim qabyldady.
Oǵan deıin Nur-Sultan qalasynyń ákimdigi osyndaı qaýly qabyldaǵan bolatyn.
