Almatyda paratennısten alǵashqy el chempıonatynyń jeńimpazdary anyqtaldy
ALMATY. QazAqparat – Almaty qalasynda paralımpıalyq tennısten birinshi ret Qazaqstan chempıonaty máresine jetip, alǵashqy jeńimpazdar anyqtaldy, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, el birinshiligine Aqtóbe, Aqtaý, Oral, Qaraǵandy, Astana jáne Almaty qalalarynan 40-tan astam sportshy qatysty.
Chempıonattyń ashylý rásiminde Qazaqstan tennıs federatsııasynyń (QTF) atqarýshy dırektory Deıv Maılıge Ulttyq paralımpıalyq komıtetten QTF-ny jazǵy paralımpıalyq sport túri – arbadaǵy tennıs boıynsha sporttyq federatsııa dep taný týraly sertıfıkat tapsyryldy.
Jarys tórt jas ereksheligine qaraı ótkizilip, myna sportshylar júldege ilikti.
Erler 16+:
1.Dastan Nııazov (Aqtóbe)
2.Fedor Starygın (Qaraǵandy)
3.Evgenıı Bykov (Qaraǵandy).
Qyzdar 16+:
1.Aıshýaq Jetpeıisova (Qaraǵandy)
2.Aıgúl Berdisheva (Aqtóbe)
3.Ásel Asaýbaeva (Qaraǵandy).
Bozbalalar 14-15 jas:
1.Madııar Baıkenov (Aqtóbe)
2.Turarbek Marat (Oral)
3.Nazar Trofımov (Aqtaý).
Balalar 7-8 jas:
1.Ivan Solovev (Almaty)
2.Holıd Rýstamov (Astana).
Sondaı-aq astanalyq Dinmuhamed Álıakparov «Úzdik tehnıkasy úshin», oraldyq Albına Bekjanova men aqtóbelik Evgenıı Edelev «Jeńiske degen jigeri úshin» atalymymen marapattaldy.
«Arbadaǵy tennıs álemde keńinen tanymal. Ýımbldon, AQSh, Aýstralııa, Frantsııa ashyq chempıonattary sekildi «Úlken dýlyǵa» týrnırleri bar. Óz juldyzdary da az emes. Qazaqstandyq sportshylardyń solardyń qataryna qosylatynyna senemin. Eń bastysy, aıanbaı ter tógý kerek. Týrnır qorytyndysy boıynsha ulttyq qurama jasaqtalyp, aldaǵy jyly Qytaıda ótetin halyqaralyq jarysqa alǵash ret qatysatyn bolady», dedi Qazaqstan tennıs federatsııasynyń atqarýshy dırektory Deıv Maılı.
Eske sala keteıik, budan buryn Elena Rybakınanyń álemdik reıtıngide 22-orynǵa kóterilgenin, q azaqstandyq tennısshi álemdik reıtıngide jeke rekordtyq nátıjege qol jetkizgenin jazǵan edik.
Foto: ktf.kz
