Almatyda paramen ustalǵan túrme basshysy qamaýǵa alyndy
ALMATY. QazAqparat - Almatyda sot paramen ustalǵan túrme basshysyna qatysty bultartpaý sharasyn sanktsııalady, dep habarlaıdy QazAqparat tilshisi.
«Mamandandyrylǵan aýdanaralyq tergeý soty tergeý basqarmasynyń ótinishin qabyl alyp, kúdikti Rýslan Júnisovty 2 aıǵa qamaýǵa alý týraly bultartpaý sharasyn sanktsııalady. Qamaý merzimi 28 qyrkúıekten bastap esepteledi», - dedi qalalyq sottyń baspasóz qyzmetinen.
Aıta ketý kerek, keshe Almaty ІІD Ózindik qaýipsizdik departamenti qyzmetkerleri UQKD qatysýymen jedel izdestirý sharalaryn júrgizý kezinde para alǵan QAJD basshysyn ustaǵan bolatyn.
Kúdikti zańsyz kezdesý uıymdastyryp, tergeýge alynǵan tutqynǵa jaıly jaǵdaı jasap bergeni úshin syıaqy retinde aqsha alǵan.
Atalǵan derek boıynsha QR QK 366-babynyń 2-bólimine sáıkes laýazymdy tulǵaǵa qatysty sotqa deıingi tergeý bastalyp ketti.
