Almatyda paramen ustalǵan polıtseı 8 mln teńge aıyppul tóleıtin boldy

ALMATY. QazAqparat – Almatyda №2 Medeý aýdandyq sotynda Bostandyq aýdandyq polıtsııa basqarmasynyń anyqtaýshysyna qatysty qylmystyq is qaraldy, dep habarlaıdy QazAqparat tilshisi.

Іs materıaldaryna sáıkes, kúdikti polıtsııa basqarmasynyń anyqtaýshysy qyzmetin asyra paıdalanyp, para berýshiniń jaǵdaıyna yqpal etemin degen jeleýmen odan 1000 AQSh dollary kóleminde para suraǵan.

Sol kúni polıtsııa qyzmetkeri men para berýshi dárihana qasynda kezdesken. Para berýshi oǵan 380 000 teńge kóleminde qarajat bergen. Alaıda onyń 360 000 myńy jalǵan aqsha bolatyn. Sol sátte polıtsııa qyzmetkeri Almaty qalasy boıynsha Sybaılas jemqorlyqqa qarsy qyzmet qyzmetkerlerimen ustaldy.

Sot úkimimen polıtsııa qyzmetkeri QR QK 24-baby 3-bóligi 366-babynyń 2-bóligimen kináli dep tanylyp, oǵan 8 360 000 teńge kóleminde aıyppul salyndy.

Sondaı-aq, memlekettik qyzmette, sot, jergilikti ózin-ózi basqarý organdarynda, QR Ulttyq bankinde jáne onyń vedomstvolarynda, memlekettik uıymdarda jáne kvazımemlekettik sektor sýbektilerinde qyzmet atqarý quqyǵynan ómir boıyna aıyryldy.

Sonymen qatar, sot ony «polıtsııa leıtenanty» ataǵynan aıyrdy.