Almatyda paramen ustalǵan eki sýdıa bostandyqta júr
ALMATY. QazAqparat - Almaty qalalyq sotynyń tóraǵasy Nurǵazy Ábdiqanov para aldy degen kúdikpen ustalǵan almatylyq sýdıalar jaıynda aıtyp berdi, dep habarlaıdy QazAqparat tilshisi.
«Sot etıkasyna qaıshy keletin nárseler bar. Áýezov aýdanynyń №2 aýdandyq sotynyń sýdıasy óziniń tanysyna zań jaǵynan kómek kórsetken. ıAǵnı, ol protsedýralyq emes baılanys jasaǵan. Biz zań buzýshylyqtardyń bar-joǵyn tekserý úshin bul máseleni sot etıkasy jónindegi komıssııaǵa joldadyq. Komıssııa sýdıanyń is-áreketterinde zańsyzdyq faktisi bar ekenin rastady. Sodan keıin biz sot etıkasy jónindegi komıssııanyń qorytyndylary boıynsha sot alqasyna júgindik, jumystan bosatý týraly másele kóterdik. Bizdi sot alqasy da qoldady. Qazirgi ýaqytta prezıdenttiń jarlyǵy shyqty jáne ol qyzmetinen bosatyldy», - dedi Almaty qalalyq sotynyń tóraǵasy Nurǵazy Ábdiqanov.
Sonymen qatar, ol Shteınkeniń qylmystyq jaýaptylyǵy týraly istiń qaralyp jatqanyn aıtty.
«Shteınkege qatysty aqparatty jańa aldym. Onyń qylmysy áli tolyǵymen dáleldengen joq. Sol sebepti aqtalǵanyn habarlady. Sot komıssııasy onyń sot etıkasy normalaryn buzǵanyn rastady», - dedi Nurǵazy Ábdiqanov.
Esterińizge salsaq, 2019 jyly 2 aqpanda Sybaılas jemqorlyqqa qarsy is-qımyl Ulttyq bıýrosy jáne Joǵarǵy sot ishki qaýipsizdik bólimi mamandarynyń ózara birlesip júrgizgen sharasy barysynda Andreı Shteınkti 10 000 AQSh dollary kóleminde para alyp jatqan jerinen ustaǵan bolatyn.
Sondaı-aq, Nurǵazy Ábdiqanov medeý aýdandyq sotynyń burynǵy sýdıasy Gúlmıra Ábilqaıyr týraly aıtyp berdi.
«Almaty qalasy, medeý aýdandyq sotynyń sýdıasy Gúlmıra Ábilqaıyr joǵary sýdıa ataǵyna nuqsań keltirdi. Ol ustaldy. Biraq, dál sol kezeńde ol eńbek demalysynda bolǵan. Oǵan sanktsııa qoldanylǵan joq, qazir bostandyqta, alaıda tergeý júrip jatyr. Qazir ol sýdıa qyzmetinen shettetildi. Іs materıaldary Joǵarǵy Sot janyndaǵy Sot alqasyna jiberildi. Sýdıanyń kináli nemese kinásizdigi sot barysynda anyqtalady», - dedi Nurǵazy Ábdiqanov.
Osyǵan deıin, QR Sybaılas jemqorlyqqa qarsy is-qımyl agenttiginiń Almaty qalasy boıynsha departamenti QR Joǵarǵy sotynyń ishki qaýipsizdik bólimimen birlesip, Almaty qalasy sýdıasynyń para alý faktisin anyqtaǵan. Sýdıa deldal — Almaty qalasy aýdandyq sot otyrysynyń hatshysy arqyly óz óndirisindegi azamattyq is boıynsha máseleniń oń sheshilýi úshin 3 000 AQSh dollary somasynda para alǵany úshin kúdikke ilingen.
Sondaı-aq, sońǵy alty aıda almatylyq tórt sýdıa jumystan bosatyldy.
