Almatyda para alyp, blokpostan adam ótkizgen eki sheneýnik sottaldy

NUR-SULTAN. QazAqparat – Tótenshe jaǵdaı rejımi kezinde azamattardy blokpostan ótkizgen Jetisý aýdany ákimdiginiń qyzmetkerleri sottaldy, dep habarlaıdy QazAqparat tilshisi.

Sybaılas jemqorlyqqa qarsy is-qımyl agenttiginiń habarlaýynsha, osy jyldyń 14 mamyrynda Almaty qalasy Jetisý aýdanynyń №2 aýdandyq soty Jetisý aýdany ákimi apparatynyń bas mamandary K.E. Ádenov pen S.S. Orazovqa qatysty aıyptaý úkimin shyǵarǵan. K.E. Ádenov pen S.S. Orazov birneshe ret para alǵany úshin kináli dep tanylyp, olarǵa tıisinshe 4 077 500 teńge jáne 13 300 000 teńge aıyppul salynyp otyr.

«Sot olarǵa ómir boıy memlekettik qyzmette laýazym atqarýǵa tyıym saldy. Sonymen qatar, osy úkimmen azamat V.I. Ýdjýr para alý kezinde deldaldyq jasaǵany úshin kináli dep tanylyp, oǵan 2 430 000 teńge kóleminde aıyppul salyndy», - dep habarlaıdy agenttikten.

Atalǵan laýazymdy adamdardyń Jetisý aýdanyndaǵy blokpostta kedergisiz ótý úshin Almaty qalasynyń turǵyndarynan deldal arqyly birneshe ret para alǵany buǵan deıin habarlanǵan bolatyn.