Almatyda para almaq bolǵan polıtseı ustalyp qaldy

ASTANA. QazAqparat - Almatyda para almaq bolǵan polıtseı ustalyp qaldy. Bul jaıynda QR ІІM Memlekettik til jáne aqparat departamentiniń dırektory Almas Sadýbaev aıtty, dep habarlaıdy QazAqparat.

«2018 jyldyń 17 sáýirinde Almaty qalalyq ІІD Ózindik qaýipsizdik basqarmasy men QR UQK qalalyq departamentiniń birlesken sharasy barysynda avtokólik quralymen kedergisiz júrýin qamtamasyz etý úshin 200 dollar kóleminde para alyp jatqan jerinen Almaty qalalyq Jergilikti polıtsııa qyzmeti Jol sholǵynshy polıtsııasynyń polk komandıri, polıtsııa maıory M.Baıǵazınov ustaldy», - dedi ol.

Onyń aıtýynsha, atalǵan fakti boıynsha QR Qylmystyq kodeksiniń 366 baby boıynsha sotqa deıingi tergeý amaldary bastalǵan.

«M.Baıǵazınov ýaqytsha ustaý ızolıatoryna qamaldy», - dedi Almas Sadýbaev.