Almatyda para alǵan polıtsııa maıory 5 jylǵa sottaldy

ALMATY. QazAqparat – Almatyda polıtsııa qyzmetkeri birneshe ret alaıaqtyq jasap, para berýge májbúrlegeni úshin sottaldy, dep habarlaıdy QazAqparat tilshisi.

Bul qylmystyq is №2 Medeý aýdandyq sotynda qaralǵan bolatyn.

«Sot úkimimen kúdikti QR QK-niń 190-baby 3-bóliginiń 1-tarmaǵymen, 28-babynyń 4-bóligimen, 367-babynyń 2-bóligimen aıypty dep tanylyp, 5 jylǵa bas bostandyǵynan aıyryldy», - dedi qalalyq sottyń baspasóz qyzmetinen.

Sondaı-aq ol QR QK-niń 49-baby 1-bóligimen «polıtsııa maıory» sheninen aıyryldy.

Іs materıaldaryna sáıkes, 2011 jyly polıtsııa qyzmetkeri polıtsııanyń aýyldyq bólimin basqara otyryp, Almaty oblysynda jer alyp berýge kómekteskeni úshin 8 myń AQSh dollaryn alǵan.

«2014 jyly ol basqarmanyń basshy orynbasary bolyp turǵanda boryshkerdi izdeý jeleýimen taǵy bir adamnan «Mersedes Benz E-280» markaly kóligin jáne 5 myń AQSh dollaryn alǵan. Sonymen qatar, 2020 jyly polıtsııanyń ýákiletti tulǵasy bola tura qylmystyq is jasaǵan adamǵa bultartpaý sharasyn aıqyndaý kezinde jáne jazany jumsartýǵa kómekteskeni úshin 7 myń AQSh dollary men 150 myń teńge para berýge májbúrlegen», - dedi qalalyq sottyń baspasóz qyzmetinen.