Almatyda para alǵan keden qyzmetkeri ustaldy
ALMATY. QazAqparat - Almatyda keden beketiniń qyzmetkeri para aldy degen kúdikpen ustaldy, dep habarlaıdy QazAqparat tilshisi.
Qalalyq memlekettik kirister departamentiniń ishki qaýipsizdik basqarmasynyń qyzmetkerleri «Jetisý» keden beketiniń qyzmetkerin ustady. Oǵan qatysty azamattardan aryz túsken.
Qazir eks-kedenshige QR QK 366-babynda kózdelgen qylmys jasady degen aıyp taǵylyp otyr.
Atalǵan derek sotqa deıingi tergeý isi tizilimine tirkeldi. Tergeý amaldary jalǵasyp jatyr.
Óz kezeginde Departament mamandary memlekettik qyzmettegi laýazymdy tulǵalarǵa para usynýdyń arty qylmystyq jaýapkershilikke aparatynyn eskertedi.
Kórsetken qyzmeti úshin aqy suraǵan qyzmetkerler bolsa, Departamenttiń 279-29-56, 8 778 918 60 15 senim telefondaryna habarlassa bolady.
