Almatyda pankratıonnan WAFC nusqasy boıynsha halyqaralyq týrnır ótedi
ALMATY. Qańtardyń 27-si. QazAqparat /Erlik Erjanuly/ - Almatyda qańtardyń 30-y kúni Respýblıka saraıynda pankratıonnyń WAFC nusqasy boıynsha Álem chempıonaty kezeńiniń matchy ótedi,
dep habarlaıdy QazAqparat.
Ony Almaty qalasynyń ákimdigi men "Beıbarys-Profil" kásipqoı sport klýby uıymdastyryp otyr. Erejesiz jekpe-jekten Álemniń 3 dúrkin, Eýrazııanyń 2 dúrkin jáne Azııa, Eýropa chempıonattary men Álem kýbogynyń jeńimpazy Ardaq Nazarovtyń aıtýynsha, Búkilálemdik absolıýttik jekpe-jekter keńesiniń (WAFC) tujyrymdamasy boıynsha ótetin bul týrnırde pankratıonnan Qazaqstan men Úndistan quramalary kezdesedi. Onda el namysyn Beıbit Nazarov, Tólegen Aqylbekov, Meıirlan Qurmanalıev, Qazybek Áshimov, Begnar Amanbaev, Aslan Meıirlan men Aslan Toqtarbaev qorǵaıdy. Halyqaralyq týrnırde sondaı-aq kásipqoı bokstan Qazaqstan men Reseı bylǵary qolǵap sheberleri arasynda reıtıngtik jekpe-jek ótedi. Bul saıysta 63,5 kılá salmaqta Janqosh Turarov baq synaıtyn bolady. Azııa, Eýropa chempıonattary men Álem kýbogynyń jáne Eýrazııanyń 2 márte jeńimpazynyń sózine qaraǵanda, aldaǵy shilde aıynda Astana qalasynda erejesiz jekpe-jekten Álem chempıonaty ótpek.
