Almatyda Panfılov kóshesindegi tamyr jaımaǵan aǵashtar kúzde aýystyrylady
ALMATY. QazAqparat - Almatyda Panfılov kóshesinde jaıqalyp tamyr jaıa almaı qalǵan aǵashtardyń ornyna kúzde basqa aǵashtar otyrǵyzylatyn boldy, dep habarlaıdy QazAqparat tilshisi.
Panfılov kóshesi byltyr qaıta jańǵyrtylǵan bolatyn. Qurylys jumystarynan soń merdiger uıym munda 380 aǵash otyrǵyzǵan edi. Aǵash kóshetterin tasymaldaý jáne otyrǵyzý kezinde biraz kúsh túsken. Olar jańa oryndy jersinbeı ári aıazǵa shydamaı, saldarynan katalpa kósheti jaramsyz bolyp qaldy.
Osyǵan oraı,«Kompanııa AIS Astana» merdigerlik uıymy kepildemelik mindetteme boıynsha bıylǵy jyldyń vegetatsııa maýsymynda jańa aǵashtar otyrǵyzady.
Aıta keterligi, 2015 jyly qalalyqtardyń talqylaýynan soń qabyldanǵan «Almaty-2020» Baǵdarlamasy aıasynda qalanyń tarıhı ortalyǵynyń 60% jóndeldi. Jaıly qalalyq orta qalyptastyrý maqsatynda energııa jınaqtaýshy trotýar shamdary, kóshe jıhazdary, sport jáne balalar alańdary, fontan keshenderi paıda bolady. Jasyldandyrý júrgizildi jáne jańa aǵashtar otyrǵyzyldy, sýarýdyń avtomatty júıesi tartyldy.
«Qala adamdar úshin» kontseptsııasy aıasynda Almatyda bıylǵy jazda jaıaý júrginshige basymdyq berý úshin Dostyq dańǵylynyń, Jibek joly men Baıseıitova kósheleriniń bólikterine rekonstrýktsııa júrgizilýde.
