Almatyda pandemııa bastalǵaly koronavırýstan 3 myńǵa jýyq adam kóz jumdy

ALMATY. QazAqparat – Almatyda koronavırýs bastalǵaly beri 2 990 naýqas kóz jumdy. Bul týraly qalalyq qoǵamdyq densaýlyq saqtaý basqarmasynyń bastyǵy Narıman Tabynbaev Ortalyq kommýnıkatsılar qyzmetinde ótken brıfıngte málim etti, dep habarlaıdy QazAqparat tilshisi.

«Ókinishke qaraı, megapolıste pandemııa bastalǵaly beri 2 990 naýqas kóz jumdy. Onyń ishinde koronavırýs juqtyrǵandar men pnevmonııamen aýyrǵan naýqastar bar»,- deıdi Almatynyń bas dárigeri.

Sońǵy bir táýlikte qalada 423 adam koronavırýs juqtyrǵan.

Munyń ishinde sımptomdy, jeńil jáne ortasha deńgeıdegi belgilermen – 394, sımptomsyz – 29 naýqas tirkeldi.

Búgingi kúni ınfektsııalyq statsıonarlarda 1 477 adam bar (tósek-orynnyń jalpy sany –3 179), onyń ishinde 56 bala emdelip jatyr.

Medıtsınalyq-sanıtarııalyq alǵashqy kómek mobıldi brıgadalarynyń jáne Telemedıtsına ortalyǵynyń ambýlatorııalyq baqylaýynda 3 433 patsıent bar.