Almatyda ózine qol salǵan oqýshynyń ata-anasy mektep basshylyǵyna júgindi
Bilim berý mekemesi ókilderiniń atap ótkenindeı, segizinshi synyp oqýshysynyń ákesi Almaty qalasyndaǵy hımııa-bıologııa baǵytyndaǵy Nazarbaev Zııatkerlik mektebiniń basshylyǵyna ótinish bildirip, otbasynda bolǵan qaıǵyly jaǵdaıǵa, týystary men jaqyndarynyń sezimderine, balany eske alýǵa túsinistikpen qaraýdy suraıdy.
«Meniń ulymnyń esimin ataı bermeýdi jáne ıýbka kııýdi nasıhattaıtyn kez - kelgen is-sharalardy, aktsııalardy jáne áleýmettik jelilerdegi jarııalanymdardy toqtatýyńyzdy suraımyn», - dep jazdy oqýshynyń ákesi.
Otbasy sonymen qatar oqýshyǵa qysym jasaý jáne onyń psıhologııalyq problemalary týraly barlyq boljamdar men aıyptaýlar shyndyqqa janaspaıtynyn, oqýshynyń ata-anasy mektep basshylyǵyna, kýrator men psıhologqa qatysty shaǵymdary joq ekenin aıtty. Qazirgi ýaqytta qaıǵyly oqıǵa boıynsha tergeý júrip jatyr.
Esterińizge salsaq, 27 qazanda sabaqtan tys ýaqytta Nazarbaev Zııatkerlik mektebiniń segizinshi synyp oqýshysyna qatysty qaıǵyly jaǵdaı boldy.
Bostandyq aýdandyq polıtsııa basqarmasy isti QR QK-niń 105-baby «Óz-ózine qol jumsaýǵa jetkizý» boıynsha sotqa deıingi tergep-tekserýdiń biryńǵaı tizilimine tirkedi.
