Almatyda ózin jemqorlyqpen kúres qyzmetkerimin dep tanystyrǵan alaıaq ustaldy
ALMATY. QazAqparat – Almatyda ózin sybaılas jemqorlyqqa qarsy qyzmettiń qyzmetkerimin dep tanystyryp, eldi aldaǵan alaıaq ustaldy, dep habarlaıdy QazAqparat tilshisi.
2020 jyldyń sońynda ózin sybaılas jemqorlyqqa qarsy qyzmettiń qyzmetkeri retinde tanystyryp, adamdardyń senimine kirgen.
Ol jerge ornalastyrý jobasyna ruqsat alyp beremin dep adamdardan 2000 AQSh dollaryn alǵan.
«Sosyn qylmystyq is boıynsha jazany jeńildetý úshin Almaty qalasynyń prokýratýrasy men sotynyń laýazymdy tulǵalaryna 5 mln teńge kóleminde qarajat jiberemin dep aldaǵan. Almaty qalasynyń Sybaılas jemqorlyqqa qarsy qyzmeti osy is boıynsha sotqa deıingi tergeý júrgizdi», - dedi qalalyq Sybaılas jemqorlyqqa qarsy qyzmettiń baspasóz qyzmetinen.
Sot kúdiktini qamaýǵa alý týraly bultartpaý sharasyn sanktsııalady.
Kúdiktiniń aıybyna qatysty túpkilikti sheshimdi sot shyǵarady.
