Almatyda ózin prokýrormyn dep eldi aldap kelgen adam ustaldy
ALMATY. QazAqparat - Almatyda adamdardyń senimine kirip, aqsha bopsalap júrgen «prokýror» ustaldy, dep habarlaıdy QazAqparat tilshisi.
Qalalyq polıtsııa departamentiniń baspasóz qyzmeti habarlaǵandaı, er adamdy Bostandyq aýdandyq Polıtsııa basqarmasy qalalyq prokýratýranyń ishki qaýipsizdik bólimshesimen birlese otyryp ustady.
«26 jastaǵy Qalıjan Qýatbekuly Qarabaev ózin quqyq qorǵaý organdarynyń qyzmetkerimin dep tanystyrǵan, sonyń ishinde «prokýrormyn» dep aldap kelgen. Er adam osylaısha kóptegen adamdardyń senimine kirip, aqshalaryn ıemdengen. Qazir polıtsııa er adamnyń áreketinen japa shekken azamattar bolsa 254-47-00, 254-47-01 telefondaryna habarlasýyn suraıdy»,- delingen habarlamada.
