Almatyda ózin polıtseımin dep tanystyrǵan alaıaq ustaldy
ALMATY. QazAqparat – Almatyda ózin ishki ister organdarynyń qyzmetkerimin dep tanystyrǵan, alaıaq ustaldy, dep habarlaıdy QazAqparat tilshisi.
Ózin polıtsııa qyzmetkeri retinde tanystyrǵan alaıaq Almatynyń 33 jastaǵy jumyssyz turǵyny bolyp shyqty. J. degen áıelden balasyna qatysty sotqa deıingi tergeýdi toqtatý úshin 1 mıllıon teńge suraǵan.
«Bul áıeldiń ulyna kúdikti retinde qylmystyq is qozaǵalyp, tergeý júrip jatyr. Bul týraly alaıaq tanystary arqyly bilgen. Ol bireýdiń basyna túsken jaǵdaıdy óz paıdasyna sheshpek bolǵan. Kúdiktiniń anasyna qońyraý shalyp, ózin polıtsııa qyzmetkeri retinde tanystyrǵan. Alaıaq áıelge balasyn qylymystyq jaýapkershilikten qutqarýǵa bolatynyn aıtyp sendirgen. Bul qyzmeti úshin ol áıelden qomaqty qarjy talap etken », - deıdi Almaty qalalyq PD Іshki qaýipsizdik basqarmasynyń bastyǵy Aıdyn Qabdýldınov.
Beıtanys adamnan kúdiktengen áıel dereý Almaty qalalyq PD ishki qaýipsizdik basqarmasyna aryz túsirdi. Aqparatty teksergennen keıin onyń ishki ister organdarynyń qyzmetkeri emes ekeni anyqtaldy.
«Bul fakt sotqa deıingi tergeýdiń biryńǵaı tiziliminde QRQK 190 baby «alaıaq» boıynsha tirkeldi. Kúdikti J. qatysty polıtsııa qyzmetkerleri jedel jáne arnaıy is-sharalar ótkizdi. Aqsha alý faktisi qaladaǵy dámhanalardyń birinde tirkeldi. 990 myń teńge kóleminde aqsha alǵan kúdikti qylmys ústinde ustaldy», - dedi Qabdýldınov.
