Almatyda ózgeniń múlkin satyp ońaı oljaǵa kenelmek bolǵan er adam sottaldy

ALMATY. QazAqparat - Almatyda ózgeniń senimine kirip, múlkin satqan alaıaq sottaldy. Bul týraly qalalyq sottyń baspasóz qyzmeti habarlady.

Іs materıaldaryna sáıkes, 2013 jyldyń basynda Moldabaev A.Halelovanyń «Deý Neksııa» markali kóligin 1500000 teńgege satyp alamyn dep sendirip, ıemdengen. Keıinnen B.Moldabaev Almaty oblysy aýmaǵynda aldaý jáne senimge kirý jolymen, «Deý Neksııa» markaly avtokólikti satýǵa quqyq beretin A.K. Halelovanyń jalǵan senimhaty arqyly K. Malıkovaǵa sol avtokólikti satqan. Osylaısha ol jábirlenýshi A.Halelovaǵa iri mólsherde 1 500 000 teńge somasynda materıaldyq shyǵyn keltirdi.

Sot otyrysy barysynda B.M. Moldabaev óz kinásin moıyndap, jasalǵan is- áreketine ókinetindigin aıtty.

Medeý aýdandyq sotynyń úkimimen B.Moldabaev QR QK 190 babynyń 3 bóliginiń 1 tarmaǵymen (alaıaqtyq) kózdelgen qylmystyq is áreketi úshin kináli dep tabylyp, oǵan 3 jylǵa bas bostandyǵynan aıyrý túrindegi jaza taǵaıyndaldy. QR QK-niń 63 babynyń negizinde taǵaıyndalǵan jaza shartty dep sanaldy.