Almatyda ózen, sý qoımalaryn tazartý men abattandyrý jumystary qalaı júrip jatyr

Ákimdiktiń málimetinshe, naýryz aıynan bastap Almatyda Saıran, Qarasý jáne Áýejaı ózenderin mehanıkalyq tazartý jumystary bastalǵan. Atalǵan sý qoımalarynyń túbin qurǵatý úshin olardy sýmen qamtamasyz etetin Esentaı, Úlken jáne Kishi Almaty ózenderiniń aǵysy toqtatylǵan.

Bul rette Saıran sý qoımasynyń túbi sońǵy 50 jyldan beri alǵash ret tazartylýda. Qoqys pen laıdan tazalaý jumystaryna 4 ekskavator men 30 samosval jumyldyryldy. Jobalyq aýdany 60 ga quraıtyn aýmaqtan 140 myń m3-tan astam qoqys pen laı shyǵaryldy. Tazartý jumystaryn jaqyn kúnderi aıaqtaý josparlanǵan.

Maýsym aıynyń sońyna deıin Esentaı ózeniniń ál-Farabı dańǵylynan Shevchenko kóshesine deıingi bóligin mehanıkalyq tazartýdy aıaqtaý josparlanýda.

Sonymen qatar, Esentaı ózeniniń ál-Farabı dańǵylynan Rysqulov dańǵylyna deıingi aralyǵyndaǵy keıbir bólikterine kúrdeli jóndeý júrgizý úshin jobalyq smetalyq qujattama ázirleýge bıýdjettik ótinish berilgen.

Búginde Úlken Almaty ózeniniń №1 tundyrǵyshtan Abaı dańǵylyna deıingi bóligin aınalasyn abattandyrý jáne rekonstrýktsııalaý jumystary ázirlenýde. Ózen arnasyn tazartý jumystary qarastyrylǵan joba memlekettik saraptamadan ótýde.

Sondaı-aq, Úlken Almaty ózeniniń №1 tundyrǵyshtan Abaı dańǵylyna deıingi bóligin,

Esentaı ózeniniń ál-Farabı dańǵylynan tómen keıbir bólikterin,

Esentaı ózeniniń Dorojnık shaǵyn aýdany men óndiristik baza mańyndaǵy bólikteri,

Kishi Almaty ózeniniń ál-Farabı dańǵylynan Sátbaev kóshesine deıingi abattandyrylǵan bóligin sanıtarlyq tazartý, kútip ustaý jumystary júrgizilip jatyr.

«Jalpy, Almaty qalasynyń aýmaǵynda 109 aǵyndy sý bar, onyń ishinde iri 49 ózenniń jalpy uzyndyǵy 447 shaqyrymdy quraıdy. Eske salsaq, ótken jyly Almatyda uzyndyǵy 14 shaqyrymdy quraıtyn ózen jaǵalaýy bekitilip, abattandyrylǵan bolatyn. Sońǵy jyldary uzyndyǵy 206 shaqyrymdy quraıtyn jaǵalaýdy bekitý jumystary júrgizildi, endi 127,7 shaqyrym jaǵalaý bekitýdi qajet etedi», - dep habarlady Almaty ákimdiginiń baspasóz