Almatyda ózen arnalary tazartyldy
ALMATY. QazAqparat - Almaty qalasynda «Kóktem-2022 respýblıkalyq komandalyq-shtabtyq oqý-jattyǵý ótti. Bul týraly qalalyq TJD baspasóz qyzmeti málim etti, dep habarlaıdy QazAqparat tilshisi.
Negizgi jattyǵý jumystary Alataý aýdanynda «Qarǵaly» ózeniniń jaǵasynda júrgizildi. Ózen arnasynyń túbi tereńdetilip, qatty-turmystyq qaldyqtar shyaryldy.
Bul sý aǵynyn jyldam ótkizýine múmkindik berip, aýdandaǵy 57 jeke turǵyn úıdi sý basý qaýpinen qorǵaıdy.Oqý-jattyǵý qalanyń qalǵan 7 aýdanynda da ótkizildi. Onyń aıasynda ózen arnalary men aryq júıeleri qatty-turmystyq qaldyqtardan tazartyldy.
Barlyǵy 42 shaqyrym ózen arnalary tazartylyp, 520 tekshe metrden astam qatty turmystyq qaldyqtar shyǵaryldy.
«Oqý-jattyǵýǵa jalpy sany 337 adam QR UU «Ońtústik» óńirlik qolbasshylyǵy, qalanyń azamattyq qorǵaý qyzmetteri, volonterlik uıymdary men QR TJM aýmaqtyq bólimsheleri jáne 67 arnaıy jáne ınjenerlik tehnıka jumyldyryldy», - delingen TJD habarlamasynda.
