Almatyda óz jumys berýshisin tonap kelgen tórt qyzmetkerdiń isi áshkerelendi
ALMATY. 19 qańtar. QazAqparat /Názıra Eleýhan/ - Almaty saýda úıleri biriniń tórt qyzmetkeri - eki satýshy, qoımashy jáne qoımajaı jumysshysy óz jumys berýshisin tonap,
bes aı boıy dúkennen halyq tutynatyn taýarlardy urlap kelgen. Olardyń isi Saýda úıi júrgizgen ishki tekseriste áshkerelendi, dep habarlaıdy Almaty qalasynyń ІІD baspasóz qyzmeti.
«Qazirgi tańda keltirilgen zalaldyń naqty somasy anyqtalýda. Olar buzylmaıtyn azyq-túlik túrlerin urlap otyrǵan. Jaýap alý barysynda tórteýi de óz kinálaryn moıyndady jáne kúdik týdyrmas úshin azyq-túlik taýarlaryn az mólsherde ǵana jymqyryp kelgendikterin aıtty. Bul toptyń eń úlkeni - 30-jasta, al kishisi 21 jasta. Olardyń barlyǵy elimizdiń ár aýmaǵynan kelgender. Kúdiktilerdiń tórteýi de bul dúkende jumys istegenderine bir jyl da ýaqyt bolmaǵan. Qazir Іshki ister basqarmasy bótenniń múlkin urlaý faktisi boıynsha qylmystyq is qozǵady. Tergeý amaldary jalǵasýda»,- dedi Medeý aýdandyq ІІB bastyǵy, polıtsııa polkovnıgi Baqyt Qasabekov.
