Almatyda óz erkimen shylymnan bas tartqandarǵa gúl taratylady
ALMATY. 5 naýryz. QazAqparat - Almatyda 7 naýryzda salaýatty ómir saltyn nasıhattaý maqsatynda «Meıirimdi jáne sulýlar úshin» áleýmettik aktsııasy ótedi.
Onda «Sınergııa» Máskeý qarjy-ónerkásip ýnıversıtetiniń qazaqstandyq ókildiginiń stýdentteri Arbatta óz erkimen temekiden bas tartqan qyzdarǵa gúl shoǵyn syılaıdy.
«Elbasshymyzdyń basshylyǵymen Úkimet Qazaqstannyń basty damý baǵyttarynyń biri etip adam kapıtalynyń sapalyq ósimin belgiledi. Osyǵan oraı ana men bala densaýlyǵyna aıryqsha nazar aýdarylýda. Memlekettiń ósip-órkendeýiniń kepili - ult saýlyǵy. Sol sebepti, biz bul aktsııany elimizdiń bolashaǵy bolyp tabylatyn áıelderdiń densaýlyǵyn qorǵaýǵa baǵyttap otyrmyz», - deıdi ókildiktiń dırektory Baýyrjan Qasymbergebaev.
Statıstıka boıynsha Qazaqstanda halyqtyń 27 paıyzy nemese 4,2 mıllıon adam shylym shegedi. Jyl saıyn temeki tartýǵa baılanysty túrli syrqatpen 25 myńnan astam kóz jumýda. Temeki epıdemııasynyń qurbandary negizinen eń eńbekke qabiletti 30-35 jastaǵy erler men áıelder bolyp otyr.
