Almatyda óz balalaryn óltirgen erli-zaıypty qamaýǵa alyndy
ALMATY. QazAqparat - Almatyda balalaryn óltirip, tońazytqyshqa salyp ketken erli-zaıypty 2 aıǵa qamaýǵa alyndy, dep habarlaıdy QazAqparat tilshisi.
Eske sala keteıik, erli-zaıyptyǵa óz balalaryn óltirdi degen aıyp taǵylyp otyrǵandyǵyn habarlaǵan bolatynbyz .
Qalalyq sottyń baspasóz qyzmeti taratqan aqparatqa qaraǵanda, Túrksib aýdandyq soty kúdiktiler Emıl Gılmýtdınov pen Alla Volchenkony bultartpaý sharasy retinde 2 aıǵa, ıaǵnı 11 qarashaǵa deıin qamaýǵa alý týraly qaýly shyǵardy.
3 kún buryn Túrksib aýdanynda jaldamaly páterlerdiń birinde tońazytqyshtan 1 jastan endi asqan balalardyń múrdesi tabylǵan edi.
Keıinirek, balalardyń anasy men ákesi mas kúıinde tabyldy.
Іs materıaldaryna sáıkes, olar tuńǵysh uldaryn qalanyń ortalyǵyna aparyp tastap ketken.
Al kishi balalaryn tunshyqtyryp óltirip, tońazytqyshqa salyp ketken. Tergeýshige bergen jaýabynda Emıl Gılmýtdınov balalarynyń jylap uıqysyn buzǵany úshin óltirgenin aıtqan. Al anasy bul jaǵdaıdyń barlyǵyn bilgen.
