Almatyda óz balalaryn qaraýsyz qaldyrǵan 52 ata-ana ákimshilik jaýapkershilikke tartyldy
ALMATY. 20 sáýir. QazAqparat /Erbol Azanbek/ - Almatyda balalaryn qaraýsyz qaldyrǵan 52 ata-ana ákimshilik jaýapkershiliikke tartyldy, - dep habarlaıdy Almaty qalalyq ІDD-niń baspasóz qyzmeti.
Esterińizge sala keteıik, Almatyda «Túngi qalanyń balalary» atty aptalyq bastalǵan bolatyn. Sharanyń alǵashqy kúni-aq 52 ata-anaǵa aıyppul salynǵan. Onyń 10-y balalaryn túngi oıyn-saýyq ortalyqtaryna jibergeni úshin, 42-i balalaryn túngi qalaǵa «serýenge jiberdi» dep aıyptaldy.
«Aptalyqtyń maqsaty - jasóspirimder arasynda zań buzýshylyqtyń aldyn-alý, túngi mezgilde ata-anasyz túngi kóńil-kóteretin oryndar men kóshelerde júrgen jasóspirimderdi anyqtaý. Sharaǵa qalalyq ІІD-niń barlyq qurylymy qatysýda», - deıdi Almaty qalalyq ózindik qaýipsizdik basqarmasynyń bastyǵy Serik Kenenbaev.
Onyń sózine qaraǵanda, tekserý barysynda tek bir ǵana táýlikte túngi qalanyń 53 jasóspirim «qonaǵy» anyqtalǵan. Olardyń úsheýi alkogoldik ishimdikke sylqııa toıǵan. Olardy oıyn-saýyq ortalyqtaryna kirgizgen alty ákimshiniń ústinen hattama toltyrylyp, sotqa jiberilgen. Ýaqytsha beıimdeý ortalyǵyna 11 bala jetkizilgen.
«Barlyq orta bilim beretin mektepterde shara aıasynda lektsııalar men quqyq taqyrybynda áńgimelesýler ótkizilýde. Kóńil kóteretin oryndarda kámeletke jasy tolmaǵandardy túngi ýaqytta kirgizbeý týraly tapsyrma berilgen. Adamdar turmaıtyn ǵımarattar men oıyn-saýyq ortalyqtarynda reıdter jalǵasatyn bolady», - deıdi S.Kenenbaev.
