Almatyda óz avtobýsynyń valıdatoryndaǵy aqshany urlaǵan kólik júrgizýshisi ustaldy
ALMATY. 17 qańtar. QazAqparat /Názıra Eleýhan/ - Almatyda qoǵamdyq kólik júrgizýshileriniń biri óz avtobýsyndaǵy valıdatordy buzyp, ishinen 30 myń teńge aqshany urlaǵan.
"Mundaı aryzben polıtsııa bólimshesine qylmys oryn alǵan avtobýsqa qarasty JShS-niń kontroleri shaǵymdandy. «Boran-165» patrýldik ekıpajy birden sol avtobýstyń júrgizýshisin ustady. Ol birinshi jaýap alýda óz kinásin moıyndady. Qazir bul azamattyń osyndaı qylmysqa qanshalyqty barǵandyǵy anyqtalýda",-dedi Túrksib aýdanynyń ІІD-niń bastyǵy, polkovnık Nurlan Moshkalov.
Onyń aıtýynsha, bul iske baılanysty júrgizýshiniń ústinen QR Qylmystyq Kodekstiń 175 baby boıynsha qylmystyq is qozǵalǵan.
