Almatyda óz anasyn óltirgen azamat 12 jylǵa bas bostandyǵynan aıyryldy
ASTANA. QazAqparat - Búgin Almaty qalasyndaǵy qylmystyq ister boıynsha mamandandyrylǵan aýdanaralyq sotynda QR QK-niń 99 babynyń 1 bólimi, 188 babynyń 1 bólimimen aıyptalyp otyrǵan Zaıtsev V.ıÝ-ǵa qatysty qylmystyq istiń qaralýy aıaqtaldy.
Sot úkimine sáıkes, Zaıtsev V.ıÝ. egde jastaǵy anasymen turmystyq urys kezinde anasynyń keýde tusyna jáne ishine eki ret pyshaq salǵan. Áıel alǵan dene jaraqattarynan oqıǵa ornynda kóz jumdy.
«Sottalýshy anasynyń máıitin páterde qaldyryp, úıden onyń 70 myń teńge somasyndaǵy aqshalaı qarajaty bolǵan tólem kartochkasyn alyp, oqıǵa ornynan izin sýytqan», - dep habarlady sottyń baspasóz qyzmetinen.
Sot úkimi boıynsha Zaıtsev V.ıÝ. QR QK-niń 99 babynyń 1 bólimi, 188 babynyń 1 bólimimen, 58 baptyń 3 bólimimen 12 jylǵa bas bostandyǵynan aıyryldy.
