Almatyda oıyn termınaldaryn joıý jumystary jalǵasýda
ALMATY. QazAqparat – Almatyda 4 qylmystyq is boıynsha shyǵarylǵan sottyń úkimine sáıkes, 41 oıyn termınaly joıyldy, dep habarlaıdy QazAqparat tilshisi.
Oıyn termınaldaryn Ekonomıkalyq tergeý departamentiniń qyzmetkerleri sot oryndaýshylarymen birlesip joıdy. Bul oıyn avtomattary Almaty qalasynyń aýmaǵynda júrgizilgen jedel-izdestirý sharalary barysynda tárkilendi.
«QR «Oıyn bıznesi týraly» Zańyna sáıkes, kazıno men oıyn avtomattaryna arnalǵan zaldar arnaıy oıyn aımaqtarynda ornalasýy kerek. Qazaqstannyń basqa aýmaqtarynda kazıno men oıyn avtomattary zalyn ornalastyrýǵa tyıym salynady. Zańsyz oıyn bıznesin uıymdastyrǵany úshin QR Qylmystyq kodeksiniń 307-baby boıynsha jaýapqa tartylady», - dep habarlady Ekonomıkalyq tergeý departamentinde.
