Almatyda oıyn-saýyq nysandarynyń sany ósken
ALMATY. QazAqparat - Qazaqstandaǵy iri kásiporyndardyń úshten birinen astamy Nur-Sultan jáne Almaty qalalarynda ornalasqan. Bul týraly QazAqparat Ranking portalyna silteme jasap habarlaıdy.
Portaldyń habarlaýynsha, bir jyl ishinde Qazaqstandaǵy iri kásiporyndardyń sany 3,9 paıyzǵa kóbeıgen.
«2019 jyldyń sáýirindegi aqparat boıynsha eldegi iri kásiporyndar sany 2,46 myńǵa jetti. Byltyr osy ýaqytta Qazaqstan boıynsha 2,38 myń iri kásiporyn bolǵan. Ásirese Atyraý oblysynda ósim joǵary. Bir jyldyń ishinde 120 kásiporyn tirkelgen. Ekinshi orynǵa Mańǵystaý oblysy, úshinshi orynǵa Nur-Sultan qalasy turaqtaǵan», - delingen aqparatta.
Jemisti jumys istep turǵan iri bıznes nysandary eń kóp tirkelgen qala Almaty bolyp otyr. Munda 537 iri kompanııanyń tasy órge domalap tur. Eń qyzyǵy, jańadan tirkelgen iri kompanııalardyń arasynda óner men oıyn-saýyq, demalys nysandarynyń úlesi basym. Bir jylda atalmysh sanattaǵy 43 kásiporyn ashylyp, jalpy sany 22,9 paıyzǵa ósken.
Ákimshilik jáne qosalqy qyzmet kórsetý (132), tamaqtaný jáne baspanaǵa ornalastyrý (36) qyzmetine qatysty kásiporyndardyń sany da artyp otyr.
