Almatyda oıyn avtomattary ornatylǵan 200-ge jýyq oryn tabyldy
ALMATY. QazAqparat - Almatyda 374 oıyn avtomaty ornatylǵan 199 oryn anyqtaldy, dep xabarlaıdy QazAqparat qalalyq Polıtsııa departamentine silteme jasap.
«Qaladaǵy túrli saýda núktelerinde avtomattardyń ornatylýy jáne qumar oıyndary oınatylatyn ınternet zaldardyń qyzmetteri QR QK 307-babynda qarastyrylǵan qylmystyq quqyq buzýshylyqqa saı keledi», - dedi Almaty qalalyq Polıtsııa departamenti bastyǵynyń orynbasary Іzbasar Bekturov.
Vedomstvoda túsindirip ótkendeı, oıyn bıznesine zańnamamen tyıym salynǵanyna qaramastan zań buzýshylyqtar áli de kezdesýde. Túrli kommertsııalyq oryndarda oıyn quraldary ornatylyp jatyr.
«Qazirgi ýaqytta almatylyq tártip saqshylary 374 oıyn avtomattary ornatylǵan 199 oryndy anyqtady. Tekserý nátıjeleri boıynsha materıaldar ýákiletti organdarǵa jiberildi. Zańsyz oıyn bıznesin júrgizgen oryndar men dúkenderdiń ákimshiligi jaýapqa tartylady», - dep túsindirdi Іzbasar Bekturov.
