Almatyda otyrǵyzylǵan aǵash sany LED ekranda kórsetiledi
ALMATY. QazAqparat - Almaty qalalyq jasyl ekonomıka basqarmasy megopolıs aımaǵynda egilgen tal týraly beınerolıkterdi LED ekrandardan kórsete bastady, dep habarlaıdy QazAqparat tilshisi.
Beınerolıktegi aqparat kún saıyn jańartylyp otyrady. Ol 25 mınýt saıyn kórsetiledi. Olardy qalanyń negizgi kóshelerinde ornalasqan 52 medıa-taqtadan kórýge bolady.
«Aıta ketý kerek, bul jaı ǵana sandar jazylǵan beınerolık emes. Eger muqııat qarasańyz, onda aldymen otyrǵyzylǵan aǵashtyń vıdeosy paıda bolady jáne kún saıyn olardyń sany ósip otyrady», - dep atap ótti basqarmadan.
Aıta keteıik, Almatynyń jasyl ekonomıka basqarmasy jyl sońyna deıin 250 myń túp kóshet egýdi josparlap otyr. Jalpy búgingi kúni megopolıste 164 500 aǵash egildi.
