Almatyda ótken jyly 42 myńnan astam bala dúnıege kelgen
ALMATY. QazAqparat - Qoǵamdyq densaýlyq saqtaý basqarmasynyń aqparaty boıynsha2020 jyly Almatyda 42 019 bala dúnıege keldi, dep habarlaıdy QazAqparat.
Mysaly, qalalyq №2 perzenthanada 5,5 myńǵa jýyq bala, 2937 ul jáne 2750 qyz bala týǵan.
900-ge jýyq náreste hırýrgııalyq aralasý arqyly dúnıege keldi. Perzenthananyń bas dárigeri Gúlnár Nurlanova atap ótkendeı, kesar tiligin jasaýǵa negizgi kórsetkishter: jatyrdaǵy tyrtyq, uryqtyń jambaspen kelýi, uryqtyń qaýipti jaǵdaıy, klınıkalyq tar jambas jatady.
«Ótken jyly aýyr dárejeli preeklampsııasy bar 10 áıel bosandy. Statıstıkaǵa sáıkes, bul patologııa ana óliminiń basty sebepteriniń biri bolyp tabylady. Barlyq 10 áıel sátti bosandy», - dedi ol.
Aıta keteıik, №2 qalalyq perzenthana 132 tósekke arnalǵan qaladaǵy eń kóne bosandyrý mekemesi. Perzenthananyń jabdyqtalýy shamamen 100% quraıdy. Ótken jyldyń ózinde 265 birlik zamanaýı medıtsınalyq jabdyqtar satyp alyndy, onyń 204-i jergilikti bıýdjet esebinen, qalǵany perzenthana esebinen.
Medıtsınalyq kómekti joǵary bilikti medıtsına qyzmetkerleri kórsetedi. Jalpy perzenthananyń jasaqtalýy 96% quraıdy.
