Almatyda ótken velosherýge kezdeısoq kelgen jigit basty syılyqty utyp aldy
ALMATY. QazAqparat - Almatyda osymen 100-shi ret uıymdastyrylǵan velosherýge 500-den astam veloshabandoz qatysty. Sharada uıymdastyrylǵan basty syılyq - velosıpedti kezdeısoq kele salǵan almatylyq utyp aldy, dep habarlaıdy «QazAqparat» tilshisi.
Áýesqoı veloshabandozdar tańǵy saǵat 8:30-da «Nurly Taý» bıznes ortalyǵynyń mańyna jınalyp, nómerlerin aldy. Sol nómerlermen qatysýshylar márede oınatylatyn lotoreıaǵa qatysty. Lotoreıa jeńimpazy atanǵan Zahır Mýllaev velosherýge kezdeısoq kele salǵanyn aıtty.
«Men birinshi ret qatysyp otyrmyn. Arnaıy josparlap kelgenim joq, kezdeısoq qatysa salyp edim, mine, basty syılyq - velosıpedti utyp aldym. Óte qýanyshtymyn», - deıdi lotoreıa jeńimpazy.
Aıta keteıik, bul velosherý «Sporttyq Almaty» qalalyq baǵdarlamasynyń qoldaýymen 2017-shi jyly josparlanǵan 21 velosherýdiń on birinshisi bolyp otyr.
«Osy jolǵy velosherý Ál-Farabı dańǵylynan bastalyp, memlekettik ortalyq murajaıynda aıaqtaldy. Qatysýshylar jalpy 12 shaqyrymdyq qashyqtyqty baǵyndyrady», - dedi atalǵan basqarma mamany Aıdana Ádilbekova.
