Almatyda ótken ǵasyrda salynǵan eski ǵımarattardyń barlyǵy jóndeledi
ALMATY. QazAqparat - Almaly aýdanynda ótken ǵasyrdyń 1919-20 jyldary salynǵan úılerdiń qasbetteri restavratsııalaýdan ótip jatyr, dep habarlaıdy QazAqparat tilshisi.
Qalalyq josparlaý jáne ýrbanıstıka basqarmasynyń habarlaýynsha, ǵımarattardyń beınesi almatylyqtarǵa burynǵy bala kezden tanys beınede qalmaq.
«Sary tús pen jasyl jelek burynǵy eski Almatynyń fırmalyq belgisi bop qalady. Osylaısha qaladaǵy ótken ǵasyrda salynǵan eski ǵımarattardyń barlyǵy jóndelip, qaıtalanbas sáýlet stıli qalyptasady»,- dedi basqarmadan.
