Almatyda ótken dzıýdodan ashyq kýbokta 200 jas balýan sheberlik synasty
ALMATY. QazAqparat - Almatyda 2004-2006, 2007-2008 jylǵy dzıýdoshylar arasynda ashyq kýbok ótti, dep habarlaıdy QazAqparat tilshisi.
Qazaqstannyń birneshe aımaǵynan kelgen 200 bala boz kilemge beldesýge shyqty. Naqtyraq aıtqanda, Almatyǵa Oral, Atyraý, Temirtaý, Taraz, Taldyqorǵan qalalarynan jas sportshylar keldi.
Uıymdastyrýshylardyń aıtýynsha, basynda bul birinshilikti Almaty jáne jaqyn mańdaǵy óńir sportshylary arasynda ǵana ótkizý josparlanǵan. Alaıda, ashyq birinshilik jarııa bolǵannan keıin Atyraý, Oral, Qaraǵandy, Taraz qalalarynan ótinimder kele bastaǵan.
«Balalar shyn nıetterimen kúresti. Berilip ketkenderi sondaı, eresekter arasyndaǵy beldesýde jetispeı jatatyn ynta, yqylasty baıqadyq. Osyndaı týrnırler arqyly jas sportshylardy elekten ótkizýge bolady. Maksım Rakov, Eldos Smetov, Ashat Jitkeev syndy sportshylarymyz da osyndaı beldesýlerden bastaǵan. Sondyqtan, jastardy tárbıeleýde aıanbaı eńbek etý kerek», - dedi uıymdastyrýshylardyń biri Dzıýdodan QR sport sheberi Áset Oralbekov.
Jas palýandardyń beldesýin tamashalaýǵa Azııa oıyndarynyń qola júldegeri Eldos Jumahanov syndy maıtalman sport sheberleri de keldi.
