Almatyda ótken aýyl sharýashylyǵy jármeńkesinde 500 tonnadaı ónim satyldy
MATY. 17 qazan. QazAqparat /Názıra Eleýhan/ - Almatyda demalys kúni Almaty oblysy aýyl sharýashylyǵy ónimderin óndirýshilerdiń dárstúrli jármeńkesi bolyp ótti.
Bul joly jármeńkede 120 mln. teńgeden asatyn azyq-túlik ónimderi satýǵa shyǵaryldy.
Jyl basynan beri osymen ekinshi ret uıymdastyrylyp otyrǵan jármeńkege Almaty oblysynyń 16 aýdany men 3 qalasy qatysty. Osy joly da jármeńkege baǵasy naryq qunynan 15-20 %-ǵa tómen jemis, kókónis, et, sút jáne basqa da azyq-túlik ónimderi qoıyldy. Ondaǵy maqsat - Almaty qalasynyń azyq-túlik beldeýin qalyptastyrý bolyp tabylady.
Aýyl sharýashylyǵy jármeńkesin qala ákimi Ahmetjan Esimovtyń ózi aralap shyqty.
Jarty kúnniń ishinde jármeńkede ákelingen ónimderdiń barlyǵy ótip ketti. Atap aıtqanda, 64 tonna et, 9,5 tonna sút ónimderi, 150 tonna jemister men kókónister, 250 tonna bolatyn balyq, bal, shyryndar jáne basqa da azyq-túlik túrleri satyldy.
