Almatyda ótken aptada úsh kólik urlaý áreketi tirkeldi - ІІD
ALMATY. 25 naýryz. QazAqparat /Áıgerim Ámir/ - Almatyda ótken aptada TJO jáne kólik jýý qyzmetkerleri kólik urlaý áreketi kezinde qolǵa tústi,
dep habarlaıdy qalalyq Іshki ister departamenti.
Búginde tehnıkalyq qyzmet kórsetý men kólik jýý oryndarynda kólik urlaý áreketteri jıi oryn alyp otyr. Kóptegen júrgizýshiler ózderi senip tastap ketken oryndarynan óz kólikterinen aıyrylyp jatyr, deıdi tártip saqshylary. Solardyń biri «Samal» shaǵynaýdanyndaǵy kólik jýý ornyna «Leksýs» avtokóligin tastap ketken 29 jasar azamat.
«Avtokólik ıesiniń aryzy boıynsha «Quryqtaý» jospary qolǵa alyndy. Jol polıtsııasy basqarmasy izdestirý jumystary kezinde turǵyn úılerdiń birinen izdeý salynǵan avtokólikti baıqaǵan. Rólde otyrǵan er adam kólikti tastaı sala, qashýǵa árekettengen. Biraq, ol oıy iske aspaı, sol jerde ustaldy. Kólik urlaýshymyz sol kólik jýý ornynyń qyzmetkeri bolyp shyqty. Budan buryn da ol urlyǵy úshin sottalǵan eken. Medeý aýdandyq ishki ister basqarmasynda osy iske qatysty qylmystyq is qozǵaldy» - deıdi ІІD Jol polııtsııa basqarmasy bastyǵynyń orynbasary Muhtar Túsipov.
Osy sııaqty taǵy eki is anyqtalǵan. Qalalyq avtoturaqtardyń birinde 44 jasar kúzetshi áıel turaqty klıentteriniń biriniń «Deý Neksıa» kóligin aıdap kórgeni úshin ustaldy. Sondaı-aq, 30 jasar TJO ornynda syrlaýshy bolyp jumys isteıtin baýkespe urynyń biri, klıentiniń «BMV» kóligin minip, túni boıy qalany sharlaǵan. Ol jol saqshylaryna qaladan shyǵa bergende ustalǵan.
