Almatyda otqa oranǵan avtotsısterna tolyq sóndirildi
ALMATY. QazAqparat- Janarmaı quıylǵan avtotsısternadaǵy órt tolyq sóndirildi. Tótenshe jaǵdaı qyzmetkerleri jarylystyń aldyn aldy, dep habarlaıdy QazAqparat tilshisi.
«Eske salaıyq, búgin keshki saǵat 20:10 shamasynda TJD qyzmetkerleri «Jetisý aýdany, Angarskaıa kóshesi, 97 A» mekenjaıyna bardy. Segiz mınýtta oqıǵa ornyna kelgen olar janarmaı quıylǵan avtotsısternanyń janyp jatqanyn anyqtady. Órt eki temirjol tsısternasyna tarap úlgergen. Jeke quram arnaıy qaýipsizdik sharalaryn saqtaı otyryp jumys istedi. Qabyldanǵan jedel sharalardyń arqasynda órt 21:20 mınýtta oqshaýlanyp, 21:51-de tolyq joıyldy» dep habarlady departamenttiń baspasóz qyzmeti.
Órtti sóndirýge 28 tehnıka men jeke quramnyń 80 adamy jumyldyryldy. Qyzyl jalyn 80 sharshy metr aýmaqty sharpydy.
«Órt sóndirýshiler ómirine qaýip tónse de, janar-jaǵarmaıy bar 10 rezervýarǵa, ıaǵnı (150 tonnalyq - 4, 80 tonnalyq - 5, 50 tonnalyq - 1) órttiń taralýyna jol bermedi. Sondaı-aq jaqyn mańdaǵy ónerkásiptik aımaqty qorǵap qaldy»,- dep atap ótti vedomstvodan.
Buǵan deıin Almatyda janarmaı quıylǵan avtotsısterna órtengeni týraly jazǵan bolatynbyz.
