Almatyda ótetin «Kazbuild-2010» kórmesine germanııalyq kompanııalarmen birikken stend qoıylady
ALMATY. Tamyzdyń 31-i. QazAqparat /Názıra Eleýhan/ - Almatyda qyrkúıek aıynyń 7-10 aralyǵynda Qazaqstandaǵy Germanııa jyly aıasynda «Qurylys jáne ınterer» - «Kazbuild-2010» atty XVII-shi halyqaralyq kórme ótedi,
dep habarlaıdy QazAqparat.
Kórme álemniń 300-den astam kásiporyndaryna zamanaýı ınnovatsııalyq jańa jobalaryn kórsetýge múmkindik beredi.
Bıyl da kórmege germanııalyq kompanııalarmen birikken stend qoıylady.
Birneshe jyldan beri nemis kompanııalarynyń birikken stendteri sheteldik kórme baǵdarlamasy sheńberinde Germanııa eliniń ekonomıka jáne tehnologııa federaldyq mınıstrliginiń qoldaýyna ıe bolyp keledi.
Bıyl usynylatyn stend «IEC Berlin Inter Expo Consult GmbH» kompanııasynyń jáne Almatydaǵy Germanııanyń Bas konsýldyǵynyń kómegimen uıymdastyrylýda.
Kórmege germanııalyq 14 fırma óz ónimin usynbaq.
