Almatyda ótetin І halyqaralyq Ómirbek Joldasbekov sımpozıýmynyń daıyndyq jumystary pysyqtaldy
ALMATY. Qyrkúıektiń 21-i. QazAqparat /Ádilet Musahaev/ - Keshe Almatydaǵy Ál-farabı atyndaǵy QazUÝ-de І halyqaralyq Ómirbek Joldasbekov sımpozıýmyna daıyndyq jumystaryn pysyqtaýǵa arnalǵan jıyn ótti, dep habarlaıdy QazAqparat QazUÝ-diń baspasóz qyzmetine silteme jasap.
Maıtalman ǵalym, ǵylym men bilimniń úılestirýshisi, qoǵam, saıasat jáne memleket qaıratkeri Ómirbek Aryslanuly Joldasbekovtiń 80 jyldyǵyna arnalǵanІ halyqaralyq Joldasbekov sımpozıýmy 2011 jyldyń 1-2-shi naýryzynda Almatyda ótedi dep josparlanýda.
Ǵylymı sharanyń ótýin talqylaýǵa arnalǵan otyrysty akademık Baqytjan Jumaǵulov júrgizdi. Jıyn barysynda Ó.A.Joldasbekovke arnalǵan bıýst eskertkishin turǵyzý maquldanyp, osy jumysqa ketetin shyǵyn esepteldi. Sonymen qatar akademıktiń ǵylymı eńbekterinen jınaq qurastyryp, derekti fılm túsirý kerektigi de aıtyldy. Sondaı-aq sımpozıýmǵa keletin sheteldik qonaqtardyń tizimi jasaqatylyp, shara demeýshileri naqtylandy.
