Almatyda ótetin erejesiz jekpe-jek keshiniń bıletteri satylymǵa shyqty
ASTANA. QazAqparat - 9 qyrkúıek kúni Almaty qalasynda ótetin erejesiz jekpe-jekten ASV-69 Young Eagles 21 jarysynyń bıletteri satylymǵa shyqty, dep habarlaıdy QazAqparat tilshisi.
Bıletterdiń quny 2 000 teńgeden 5 000 teńgege aralyǵynda satylady. Bıletterdi ázirge Kassir saıtynan onlaın satyp alýǵa bolady.
Esterińizge sala keteıik, 9 qyrkúıek kúni Arman Ospanov ASV-69 týrnıri aıasynda brazılııalyq Tıago Lýıs Bonıfasıo Sılvamen (12-5-0) kúsh synasady. Jarys saǵat 18:00-de bastalady.
Bul kúni ASV-69 týrnırinde Arman Ospanovtan bólek taǵy 7 qazaqstandyq jekpe-jek sportynyń sheberi synǵa túsedi. Olar - Asyljan Baqytjanuly, Asý Almabaev, Qarshyǵa Dáýitbek, Evgenıı Egemberdıev, Baqytjan Nesipbek. Al jalpy 12 jup óner kórsetedi.
Osyǵan deıin habarlaǵanymyzdaı, qazaqstandyq sport jankúıerleri 9 qyrkúıekti asyǵa kútip júr. Bul kúni Astana turǵyndary men qonaqtary Qanat Islam men kanadalyq Brendon Kýktiń jekpe-jegin tamashalaıtyn bolady. Sondaı-aq Qanat Islamnan bólek 8 boksshymyz sharshy alańǵa shyǵady. Olar - Janqosh Turarov (21-0, 15KO), Jánibek Álimhanuly (1-0, 1KO), Meıirim Nursultanov (3-0, 2KO), Rýslan Myrsataev (3-0, 3KO), Álı Ahmedov (7-0, 5KO), Aıdos Erbosynuly (6-0, 6KO), Dımash Nııazov (11-0-3, 5KO) jáne Nursultan Jańabaev.
