Almatyda ótetin bokstan álem chempıonatyna bıletter onlaın rejimde satyla bastady
ASTANA. 10 qyrkúıek. QazAqparat - Búgin eresekter arasynda bokstan álem chempıonatyna bıletter onlaın rejimde satyla bastady. Atalǵan baıraqty báseke 14-26 qazan aralyǵynda Almatydaǵy Balýan Sholaq atyndaǵy Sport saraıynda ótedi, dep habarlady QR Boks federatsııasynyń baspasóz qyzmetinen.
Bıletter arnaıy daıyndalǵan Qazaqstan boks federatsııasynyń saıtynda (tickets.kfb.kz) satylýda. Tólemdi bank kartasy arqyly jasaýǵa bolady.
Al bıletterdi kassa arqyly satý 16 qyrkúıekten bastap Almatynyń saýda ortalyqtarynda jáne jarys ótetin Sport saraıynda júrgiziledi.
Aıta keteıik, chempıonatqa álemniń 118 eli qatysatyndyǵyn qýattady. Demek, Almaty sharshy alańynda álemniń 580 sportshysy judyryq túıistiretin bolady.
