Almatyda ótetin azyq-túlik kórmesinde 30 eldiń óndirýshileri bas qosady
MATY. 1 qarasha. QazAqparat /Erbol Azanbek/ - Erteń Almatydaǵy Atakent iskerlik saýda ortalyǵynda 13-shi «WorldFood Kazakhstan 2010» Ortaazııalyq azyq-túlik kórmesi ashylady. Bul týraly búgin ótken baspasóz máslıhatynda kórmeniń uıymdastyrýshylary Iteca kompanııalar tobynyń ókilderi málim etti.
1-5 qarasha aralyǵynda ótetin kórmege álemniń 23 elinen 250 kompanııa keledi. Bulardyń ishinde Germanııa men Lıtva ulttyq kórmelerimen qatysady. «Úsh kúndik kórmege 5 myńnan astam adam keledi dep kútilýde. Bıylǵy kórme kólemi jaǵynan TMD elderinde ótetin kórmelerdiń ondyǵyna kiredi. Kórmeniń kólemi 5 myń sharshy metrdi quraıdy»,- deıdi sharanyń menedjeri Anna Bychkova.
Onyń aıtýynsha kórmeniń bıylǵy jańalyǵynyń biri - halal ónimderine arnalǵan arnaıy sektsııa jumys isteıdi. Onda Halal standartyna saı taǵamdarmen qatar, halal ónimderin óndirýge qyzyǵýshylyq bildirgenderge arnalyp arnaıy semınarlar jumys isteıdi.
Kórme aıasynda dástúrli úzdik ónimdi tańdaýǵa arnalǵan alkogol ónimder men azyq-túliktiń degýstatsııasy da ótkiziledi.
