Almatyda ótetin Azııa kýbogynda 300-ge jýyq jas dzıýdoshy kúsh synasady
ASTANA. QazAqparat - 21-22 sáýir kúnderi Almaty qalasynda jastar arasynda dzıýdodan Azııa kýbogy ótedi, dep habarlaıdy QazAqparat Qazaqstan dzıýdo federatsııasynyń baspasóz qyzmetine silteme jasap.
Qazaqstan Dzıýdo federatsııasynyń qurmetti prezıdenti Beket Mahmutovtyń qurmetine arnalǵan qurlyq kýbogy Halyqaralyq dzıýdo federatsııasynyń (IJF) kúntizbesine sáıkes ótkiziledi. Álemdik dodaǵa 1998-1999 jyldary týǵan tatamı sheberleri qatysady.
300-ge jýyq jas dzıýdoshy 8 salmaq dárejesinde, atap aıtqanda, uldar: -55, -60 kg, -66 kg, -73 kg, -81 kg, -90 kg, -100 kg, +100 kg salmaq dárejelerinde beldesse, qyzdar -44 kg, -48 kg, -52 kg, -57 kg, -63 kg, -70 kg, -78 kg, +78 kg salmaq dárejesinde ózara myqtyny anyqtaıdy.
IJF erejesine sáıkes Azııa kýbogynyń jeńimpazdary men júldegerlerine reıtıngtik upaı qosylady. Jarys jeńimpazdaryna 100 upaıdan berilse, kúmis júldegerge - 60, qola júldegerge - 40 upaıdan beriledi.
«Halyq Arena» sport saraıynda ótetin Azııa kýbogynyń jarys kestesi:
Aıta keterligi, Beket Mahmutov - Qazaqstan Dzıýdo federatsııasynyń qurmetti prezıdenti. Ol 2009-2012 jyldar aralyǵynda Qazaqstan Dzıýdo federatsııasynyń prezıdenti, sondaı-aq, Azııa Dzıýdo odaǵynyń vıtse-prezıdenti qyzmetin atqarǵan.
